Miradi Yenye Viwango Yaipaisha Wilaya ya Kiteto

Imetumwa : September 27th, 2018

Kiongozi wa Mbio za Mwenge wa Uhuru Kitaifa Ndg. Charles Francis Kabeho akipokea taarifa ya ujenzi wa bweni la wavulana ( Mhe. John P.J Magufuli) lililojengwa  katika shule ya sekondari ya Engusero.Mara baada ya kusomewa  taarifa hiyo kabla ya ufunguzi wa bweni hilo.

Kiongozi wa mbio za mwenge Ndg. Charles Francis Kabeho akikagua vitanda vilivyopo ndani ya bweni la Mhe. John P.J Magufuli  katika shule ya sekondari Engusero kabla ya kufungua bweni hilo, wakati wa mbio za mwenge wa uhuru wilayani Kiteto.

Kiongozi wa Mbio za Mwenge  wa Uhuru Kitaifa 2018 Ndg. Charles Francis Kabeho akikata utepe kama ishara ya kufungua  bweni la Mhe. John P.J Magufuli  katika shule ya sekondari Engusero wakati wa Mbio za Mwenge wa Uhuru wilayani Kiteto.

Kiongozi wa Mbio za Mwenge  wa Uhuru Kitaifa Ndg. Charles Francis Kabeho akipanda mti, kama ishara ya uzinduzi wa mradi wa utunzaji mazingira. Zoezi  hilo la upandaji miti limefanyika katika shule ya sekondari Engusero wakati wa mbio za Mwenge wa Uhuru wilayani Kiteto.

Kiongozi wa Mbio za Mwenge  wa Uhuru Kitaifa 2018 Ndg. Charles Francis Kabeho  akijiridhisha kuhusu vipimo halisi vya barabara, kabla ya kuweka jiwe la msingi katika barabara ya Namelock - Sunya .Tukio hili limefanyika  Namelock wakati wa Mbio za Mwenge wa Uhuru wilayani Kiteto.

Kiongozi wa Mbio za Mwenge  wa Uhuru Kitaifa 2018 Ndg. Charles Francis Kabeho akizindua mradi wa maji katika mtaa wa Ngarenaro.Tukio hilo limefanyika wakati wa Mbio za Mwenge wa Uhuru wilayani Kiteto.

Kiongozi wa Mbio za Mwenge  wa Uhuru Kitaifa 2018 Ndg. Charles Francis Kabeho akimtwika ndoo ya maji mmoja kati ya wanawake wa mtaa wa Ngarenaro kama ishara ya ufunguzi wa mradi wa maji, uliojengwa katika mtaa huo. Tukio hilo limefanyika  Ngarenaro wakati wa Mbio za Mwenge wa Uhuru wilayani Kiteto.

................HABARI KAMILI...........

Kiongozi wa mbio za mwenge kitaifa ndugu  Charles Francis Kabeho ameipongeza halmashauri ya wilaya ya Kiteto kwa miradi ya maendeleo yenye viwango. Kabeho ametoa pongezi hizo wakati akifungua mradi wa bweni la wavulana katika shule ya sekondari Engusero lijulikanalo kama Mhe. John P.J. Magufuli .

Kabeho ametoa pongezi kwa Mkuu wa wilaya, Mwenyekiti wa halmashauri,Madiwani,Mkurugenzi mtendaji, wakuu wa idara ,pamoja na watumishi wote wa halmashauri  ya wilaya ya Kiteto kwa usimamizi mzuri wa miradi pamoja  na kujituma ambako kumesababisha kujengwa kwa bweni zuri, na kwa gharama ndogo.

Akisisitiza kuhusu pongezi hizo Kabeho amesema “ Kwanza niwapongeze Kiteto kwa jengo zuri, sambamba na kujenga  bweni zuri, gharama ya shilingi 86,482,000 ni gharama ndogo,nikilinganisha na maeneo mengine ambapo tumekuta miradi ya ujenzi wa mabweni. Mabweni yamejengwa kwa gharama kubwa,lakini hayajafikia kiwango na uzuri huu,kuna wilaya  ndani ya mkoa huu wa Manyara ambayo makadirio ya ujenzi wa bweni ni milioni 174,mpaka sasa wametumia milioni 89, lakini bweni halijafikia kiwango hiki.Natoa wito kwa halmashauri nyingine waje wajifunze Kiteto’’.

 Wilayani Kiteto  Mwenge  wa Uhuru  umepokelewa katika kijiji cha Ndaleta, baada ya mapokezi ,umekimbizwa umbali wa kilometa 108,  ambapo umepita katika tarafa 4 ,kata 10 , vijiji 20, na na kukesha katika uwanja wa michezo wa Kibaya .Wakati wa mbio hizo jumla ya miradi 5 imepitiwa, kati ya hiyo , miradi 2 imefunguliwa ,miradi miwili imewekewa jiwe la msingi, na mradi mmoja wa utunzaji mazingira,ambapo katika mradi wa utunzaji mazingira, zoezi la upandaji miti limefanyika katika shule ya sekondari Engusero.

Aidha thamani ya miradi yote ni shilingi za Kitanzania 6,996,805,804, ambapo wahisani wamechangia Sh. 6,411,919,000 /= ,jamii sh. 400,000,000,halmashauri ya wilaya Sh. 30,192,000/= na serikali kuu Sh.154,694,804/=.

Ujumbe wa mwenge wa uhuru mwaka 2018 ni ‘Elimu ni ufunguo wa maisha,wekeza sasa kwa maendeleo ya nchi yetu’.

.............MWISHO............