BARAZA LA MADIWANI LIMEPITISHA RASIMU YA MPANGO WA BAJETI KWA MWAKA WA FEDHA 2025/26.

Imetumwa : February 6th, 2025

Baraza la Madiwani la Halmashauri ya Wilaya ya Kiteto likiongozwa na Mwenyekiti wa Halmashauri Mhe. Abdallah Bundala, Februari 6,2025 limepitisha rasimu ya Mpango wa Bajeti ya kiasi cha  zaidi ya TZS 38.9 bilioni kwa Mwaka wa Fedha 2025/2026.

Akiwasilisha rasimu hiyo ya bajeti kwa niaba ya Mkurugenzi Mtendaji, Mkuu wa Divisheni ya Mipango na Uratibu, Ndg. Tellun Ndelwa, amesema katika Mwaka wa Fedha 2025/26, halmashauri inapanga kuongeza ukusanyaji wa mapato ya ndani kutoka TZS 3.9  bilioni  hadi TZS  4.5. Kiwango hicho ni sawa na ongezeko la 15.1% ukilinganisha na mpango wa bajeti kwa Mwaka wa Fedha 2024/25.