Idara ya elimu ya msingi ina shule 90 zikiwemo shule 3 za binafsi Shekinnah, Minnah na Kiteto Christian Center (KCC) shule 87 zilizobaki ni za serikali. Shule hizi zinajumla ya wanafunzi 46,659 wavulana 23,657 na wasichana 23,002 kuna walimu 725 wanaume 412 na wanawake 313.
Majukumu ya idara
Idara zinatekeleza mjukumu yafuatayo:-
Kusimamia sera na miongozo inayotolewa na serikali kuhusu idara ya elimu msingi ndani ya wilaya
Kuandaa taarifa zote za kielimu za idara ya elimu msingi ndani na nje ya wilaya
Kusimamia mitihani yote ya ndani ya wilaya na ile ya taifa yaani darasa la nne na saba katika shule zote za binafsi na serikali.
Kumshauri Mkurugenzi Mtendaji Halmashauri ya Wilaya ya Kiteto kuhusu shughuli zote zinazohusu idara ya elimu msingi
Kuratibu shughuli zote za michezo (UMITASHUMTA) ngazi ya shule hadi taifa
Kusimamia shughuli zote za elimu ya watu wazima na elimu maalum katika Halmashauri
Kuratibu shughuli za afya na lishe kwa wanafunzi mashuleni
Kusimamia ujenzi wa miundombinu ya shule za serikali zote.
Huduma zitolewazo na Idara ya Elimu Msingi.
Kuwashauri wazazi/walezi kuwa karibu na watoto wao ili waweze kutimiza malengo ya ndoto zao, kwa mfano:- watoto wakike kutojihusisha na mapenzi wakiwa shuleni. Kuwashauri wazazi/walezi kupata ufahamu kuwa elimu ndio urithi pekee kwa mtoto hivyo watimize jukumu lao la malezi na ufuatiliaji wa wanafunzi wawapo shuleni na nyumbani pia.
Uandikishaji.
Wilaya imefanikiwa kuandikisha jumla ya watoto 9,403 wavulana 4,783 na wasichana 4,620 kuanza darasa la I,2018. Uandikishaji huu ni 97.55% ya lengo la kuandikisha watoto 9,640 wavulana 4,825 na wasichana 4,815
