Idara ya maji ina jukumu la kutekeleza sera ya maji na sheria sambamba na ilani ya chama cha mapinduzi katika kutoa huduma ya maji safi na salama kwa wananchi kwa umbali usiozidi mita 400. Katika kufanikisha hili idara ya maji ina jumla ya watumishi 6 ambao ni Mhandisi 1, mafundi sanifu 3, mafundi sanifu wasaidizi 2.
MAJUKUMU YA IDARA YA MAJI
Kupanga, kusimamia na kuratibu shughuli zote za miradi ya miundo mbinu ya maji ili kuhakikisha kuwa miradi inatekelezwa kwa viwango vya ubora unaokubalika.
Kutoa ushauri wa kitaalamu kwa Mkurugenzi Mtendaji wa Halimashauri wakati wa kuandaa na kutekeleza miraji ya ujenzi wa miundo mbinu ya maji katika maeneo yote inayotekelezwa miradi.
Kusimamia utekelezaji wa sera ,miongozo na sheria zinazotolewa na serikali juu ya utekelezaji na uendeshaji miradi ya maji ili iweze kuleta tija kwa kuinua uchumi na maendeleo kwa Taifa
Kubuni na kusimamia miradi inayoanzishwa na jamii , Taasisi na Mashirika yasiyo ya kiserikali kwa njia shirikisha jamii kulingana na kanuni na miongozo inayotolewa na serikali ya Jamhuri ya Muungano wa Tanzania.
Kufanya upimaji na uchunguzi wa miradi mipya ya maji
Kusimamia uundaji wa vyombo vya watumiaji maji kisheria (COWSO)
Kusimamia sheria ya utunzaji wa vyanzo vya maji.
IDARA YA MAJI INAUNDWA NA WATUMISHI WAFUATAO
Kaimu Mhandi wa maji Wilaya
Fundi Sanifu watatu
Fundi Sanifu wasaidizi wawili
MGAWANYO WA MAJUKUMU
Mgawanyo wa majukumu unapangwa na kuratibiwa na Mhandisi wa maji Wilaya kutokana na kazi zilizopo na taaluma ya mtaalamu
