DC MWEMA AIPONGEZA KAMATI YA MAANDALIZI YA NANENANE KANDA YA KASKAZINI

Imetumwa : August 7th, 2025

Mkuu wa Wilaya ya Kiteto Mhe. Remidius Mwema, amepongeza maandalizi ya Maonesho ya Nanenane kwa mwaka huu, huku akieleza kuwa amefurahishwa na mabadiliko yaliyofanyika ikilinganishwa na mwaka uliopita.

Pongezi hizo amezitoa Agost 6, 2025 kwa Kamati ya Maandalizi  mara baada ya kumaliza kukagua baadhi ya mabanda kwenye maanesho hayo akiwa kama Mgeni Rasmi wa siku hiyo.

Mhe. Mwema aliishauri Kamati hiyo kuyafanyia kazi maoni ya Wakuu wa Wilaya ambayo huyatoa mara baada ya kumaliza ziara za kukagua mabanda kwani maoni hayo yana tija kwenye kuyaboresha maonesho.

Aidha ameiambia Kamati hiyo kuona umuhmu wa kufanya tathmini kila maonesho yanapoisha na kwa kufanya hiyo itasaidia kuboresha zaidi maonesho ya miaka ijayo.