Halmashauri ya wilaya ya Kiteto yaendesha zoezi la upimaji VVU kwa watumishi wa umma wilayani Kiteto

Imetumwa : November 8th, 2017

                  Kaimu mkurugenzi wa halmashauri ya wilaya ya kiteto ndugu Emmanuel Mwagala  akiogoza zoezi la upimaji VVU kwa watumishi wa umma wilayani Kiteto

                      Watumishi wa umma wilayani Kiteto wakiwa katika zoezi la upimaji VVU  

    Watumishi wa umma wilayani Kiteto wakiwa katika chumba cha kupokelea majibu baada ya kupima VVU 

                  Wataalamu wa afya kutoka  katika hospitali ya wilaya  ya Kiteto wakiendesha zoezi la upimaji VVU kwa watumishi wa umma wilayani Kiteto

Habari kamili......

Halmashauri  ya  wilaya  ya  Kiteto  yaendesha  zoezi la  upimaji  VVU  kwa  watumishi  wa umma wilayani  Kiteto

Halmashauri ya wilaya ya Kiteto imeendesha zoezi la upimaji wa maambukizi ya  virusi vya ukimwi  kwa watumishi wa umma wilayani Kiteto. Zoezi hilo limefanyika katika ukumbi wa halmashauri ya wilaya ya Kiteto na limeendeshwa na wataalamu wa afya kutoka hospitali ya wilaya ya Kiteto.

 Kaimu mkurugenzi wa halmashauri ya wilaya ya Kiteto ndugu Emmanuel Mwagala amesema kwamba zoezi hilo la upimaji wa VVU kwa watumishi  ni agizo la wizara ya afya, kwamba watumishi wahamasishwe kupima ili kujua hali ya maambukizi  kwa watumishi. Aidha amesema kwamba ni muhimu watumishi kupima ili kujua hali ya afya zao, kwani wakishapima  na kujua hali zao wanaweza kuchukua tahadhali mapema . Kaimu mkurugenzi  huyo ameongoza zoezi hilo la upimaji VVU na kutoa rai kwa watumishi wote kwamba  ni vema  watumishi wapime , ili wajue hali ya afya zao , hiyo itawasaidia kujua namna ya kuishi na  kuweka  mipango   yao ya maisha  baada  ya  kujua  hali  zao  za  afya, kwani   kinga  ni bora kuliko tiba.

Akizungumza kwa niaba ya wataalamu wa afya wanaoendesha zoezi hilo la upimaji  VVU ndugu  Pili Casian amesema kwamba muitikio ni mzuri ,idadi ya watumishi wanaofika kupima ni ya  kuridhisha .

Katika hatua nyingine watumishi waliohojiwa kuhusu zoezi hilo wamesema kwamba zoezi hilo  ni muhimu sana katika kujua hali yamaambukizi , ili serikali kupitia wizara ya afya iweze kuweka mikakati ya jinsi ya kupambana kupunguza kasi ya maambukizi mapya. Vilevile ni muhimu kwani  mtu anapokuwa amepima ,kama hana maambukizi inamfanya kuwa makini  na mienendo yake, akiwa hajapima anaishi bila ya kuwa na uhakika wa hali ya afya yake, jambo ambalo ni hatari  kwani yawezekana akawa hajaambukizwa lakini kutokana na kutokujua hali ya afya yake asichukue tahadhari na hivyo kumsababishia kupata maambukizi. Pia  kama mtu atakuwa amekutwa na maambukizi ataweza kuwahi kutumia dawa kabla afya yake haijadhoofu na  itamsaidia kujua kwamba ataishi namna gani ili afya yake iendelee kuwa imara.

Zoezi hilo la upimaji VVU kwa watumishi linaendelea hadi tarehe 11/11/2017 ambapo idadi ya watumishi waliokutwa na maambukizi  pamoja na  majina ya watumishi wote waliopimwa yatapelekwa mkoani kwa ajili ya  kuyaunganisha  na majina mengine ya watumishi kutoka wilaya zote za mkoa wa manyara na kupelekwa  wizara  ya  afya .