Halmashauri ya wilaya ya Kiteto yajenga mama ngojea.

Imetumwa : September 25th, 2017

                           Jengo la mama ngojea la hospitali ya wilaya ya Kiteto linavyoonekana kwa  nje.                            

                                                                     Jengo la mama ngojea la hospitali ya wilaya ya Kiteto linavyoonekana kwa ndani.

                                                        Halmashauri ya Wilaya ya Kiteto   yajenga mama ngojea.

Halmashauri ya wilaya ya Kiteto imejenga jengo la wakina mama wajawazito wanaosubiri kujifungua  linalojulikana  kama mama ngojea.

Mganga mfawizi wa hospitali ya  wilaya ya Kiteto dakari Ramadhani Maingu  amesema kwamba jengo la mama ngojea  ni maalumu kwa ajili ya kina mama wanasubiri  kujifungua ambao wanaviashiria vya hatari na wanaishi mbali na vituo vya afya au hospitali,kwamba badala ya kwenda kusubiria nyumbani ,watasubiri kujifungua  wakiwa katika jengo hilo .

Aidha daktari Maingu amesema kwamba jego hilo lenye vyumba ya kulala ,sehemu ya kupumzikia ,chumba cha mhudumu wa afya , choo na bafu limeshakamilika na linakadiriwa  kuwa na uwezo wa kuingia vitanda kumi na tano, na kwamba magodoro na vitanda viko tayari. Kilichobaki ni ujenzi wa  vyoo vya nje, sehemu ya kufulia  na jiko ambalo  wakina mama hao  watalitumia kujipikia wakati wakisubiri  kujifungua.

Naye  mratibu wa afya ya uzazi na mtoto  Bi Fatuma Kawia amesema kwamba jengo la mama ngojea ni muhimu sana. Katika vikao vya tathmini ya vifo vinavyotokana na uzazi ilionekana kwamba kuwa na jengo la mama ngojea  katika vituo vya afya na hospitali ni moja wapo ya mikakati ya kupunguza  vifo vitokanavyo na uzazi. Kwa sababu wakati wa ujauzito mama akiwa anahudhuria  kliniki na akagundulika kuwa na vidokezo vya hatari,ni bora akashauriwa azalie hospitali.Sasa kwa mama anayeishi mbali na kituo cha huduma akishafika mwishoni mwa ujauzito wake atapaswa kusogea na kujisubiria katika jengo la mama ngojea.

Katika hatua nyingine  wakina mama waliohojiwa  kuhusu jengo hilo la mama ngojea wamesema kwamba wanashukuru sana kwani litawaondolea adha ya kwenda kusubiria nyumbani ,kwani wakati mwingine wamekuwa wakija hospitali wakiwa na dalili za uchungu na wanalazimika  kurudi nyumbani wasubiri hadi uchungu uchanganye,jambo ambalo linasababisha usumbufu kwani uchungu unapochanganya wakiwa majumbani kwao  ambako ni mbali na vituo vya afya au hospitali na usafiri wa kuwafikisha hospitali wakati mwingine unachelewa kupatikana au kukosekana  kabisa hasa nyakati za usiku ,hivyo  kuhatarisha maisha yao na watoto walio tumboni.

Hadi  sasa jengo  hilo la mama ngojea  limegharimu kiasi cha shilingi za kitanzania milioni ishirini ,laki sita na elfu thelasini( 20,630,000), ambapo nusu ya fedha hizo zimetolewa na mkurugenzi wa halmashauri ya wilaya ya Kiteto, kutoka katika mapato ya ndani ya halmashauri .