"Wanawake Tumieni Fursa Zilizopo Kujikwamua Kiuchumi''DC Magessa

Imetumwa : March 14th, 2018

Mgeni Rasmi  katika maazimisho ya siku ya wanawake duniani  yaliyofanyika katika  kijiji cha Mbigiri - kata ya Partimbo  wilayani Kiteto ambaye pia ni Mkuu wa wilaya ya Kiteto Mhe.Tumaini Magessa (aliyesimama) akihutubia wananchi wakati wa maadhimisho hayo. 

Mwenyekiti wa Kijiji cha Mbigiri akiwasalimia wananchi  wakati  wa maadhimisho ya siku ya wanawake duniani  yaliyofanyika katika kijiji cha Mbigiri - kata ya Partimbo wilayani Kiteto.

Katibu wa UWT (W)  Kiteto Bi. Fatuma akiwasalimia wananchi wakati wa maadhimisho ya siku ya wanawake duniani yaliyofanyika katika kijiji cha Mbigiri - kata ya Partimbo, wilayani Kiteto.

Kaimu Katibu Tawala (W) - Kiteto Ndg. Fadhili Didani akimkaribisha mgeni rasmi Mhe. Tumaini Magessa   wakati maadhimisho ya siku ya wanawake duniani  yaliyofanyika katiika kijiji cha mbigiri - kata ya Partimbo wilayani Kiteto.Kulia ni afisa maendeleo ya jamii (W)  Ndg. Joseph Mwaleba

Afisa Ustawi wa Jamii (W) Bi. Jacline Barongo Kiteto akisoma risala  wakati maadhimisho ya siku ya wanawake duniani  yaliyofanyika katiika kijiji cha mbigiri - kata ya Partimbo wilayani Kiteto.

Mratibu wa ICHF (W)  Kiteto Bi.Rufina Haule  akihamasisha wananchi kujiunga na ICHF  iliyoboreshwa wakati maadhimisho ya siku ya wanawake duniani  yaliyofanyika katiika kijiji cha mbigiri - kata ya Partimbo wilayani Kiteto.

Meneja wa Benki ya CRDB - Tawi la Kiteto Bi. Lucia John akiwasilisha mada kuhusu mikopo  wakati wa maadhimisho ya siku ya wanawake duniani  yaliyofanyika katiika kijiji cha Mbigiri - kata ya Partimbo wilayani Kiteto.

 .

Mwenyekiti wa Jukwaa la Wanawake  wilayani Kiteto akiwasilisha mada ya wanawake na maendeleo ya viwanda  wakati wa  maadhimisho ya siku ya wanawake duniani yaliyofanyika katika kijiji cha Mbigiri - kata ya Partimbo  wilayani Kiteto. .

Mshereheshaji  ambaye ni Afisa Maendeleo ya Jamii  Bi.Janeth Kawau  akitekeleza  jukumu  lake  wakati wa maadhimisho ya siku ya wanawake duniani yaliyofanyika katika kijiji cha Mbigiri - kata ya Partimbo  wilayani Kiteto. .

Wananchi wakisikiliza  hotuba ya mgeni rasmi  ambaye ni mkuu wa wilaya  ya Kiteto Mhe. Tumaini Magessa) wakati wa maadhimisho ya siku ya wanawake duniani yaliyofanyika katika kijiji cha Mbigiri - kata ya Partimbo  wilayani Kiteto.

 Vikundi mbalimbali vya wanawake vikitoa burudani mbalimbali  wakati wa maadhimisho ya siku ya wanawake duniani yaliyofanyika katika kijiji cha Mbigiri - kata ya Partimbo  wilayani Kiteto

.....HABARI KAMILI.....

Mkuu wa wilaya ya Kiteto Mheshimiwa Tumaini Magessa amewataka wanawake kutumia fursa zilizopo ndani na nje ya wilaya kujikwamua kiuchumi.Mhe. Magessa ameyasema hayo wakati akihutubia wananchi katika maadhimisho ya siku ya wanawake duniani yaliyofanyika katika kijiji cha Mbigiri - kata ya Partimbo wilayani Kiteto mapema wiki hii.

Mhe. Magessa amesema kwamba kwa sasa fursa za kiuchumi ni nyingi sana na serikali  imekwisha weka mazingira wezeshi  ya wanawake  kujikwamua . Vilevile Mhe. Magessa amewataka wanawake  ambao ni viongozi  kuwasaidia wanawake wenzao ili waweze kuinuka kiuchumi. Akisisitiza kuhusu hilo Mhe. Magessa anasema ‘‘ viongozi wanawake katika maeneo mbalimbali ya kijamii na kiuchumi  watambueni wadau wenzenu  na muone  ni namna gani mtawapa usaidizi wenye tija na endelevu ili kuwainua katika nyanja mbalimbali  na muwasikilize pale wanapohitaji kufanya jambo fulani  la kimaendeleo’’.

Akisoma risala  mbele ya mgeni rasmi ,afisa ustawi wa jamii (W) Kiteto bi Jacline Barongo amesema kwamba katika kipindi cha Januari hadi Novemba 2017 idara ya maendeleo ya jamii wilaya ya Kiteto imepokea malalamiko 157 , malalamiko ambayo yalihusisha kupigwa mke au mume,kutelekeza familia  na kutowapa watoto haki ya kupata elimu.

Naye mratibu wa bima ya afya kwa jamii (ICHF) bi Rufina Haule amewahimiza wanawake kujiunga na ICHF iliyoboreshwa ili wao pamoja na familia zao wawe na afya bora,waweze kufanya shughuli za kiuchumi. Akisisitiza kuhusu umuhimu wa kujiunga na ICHF iliyoboreshwa, bi Haule anasema ‘‘Huwezi ukafanya shughuli yoyote ya kiuchumi kama afya yako ni dhaifu’’ .

Kadhalika bi  Haule amesema kwamba  ICHF imefanya maboresho makubwa , vipengele kadhaa ambavyo vilikuwa kikwazo kwa wanachama katika kupata baadhi ya huduma za matibabu vimeboreshwa.Bi Haule  amevitaja vipengele hivyo ambavyo ni ; Uandaaji na uandikishwaji wanachama.Kupata matibabu , ambapo sasa kwa kutumia kadi ya ICHF mwanachama na wategemezi wake  watapata matibabu katika hospitali ya wilaya na rufaa .Awali  huduma za bima hiyo  zilikuwa ikiishia katika ngazi ya zahanati . Kuongezwa kwa vipimo  kama vile X – Ray, utra sound  na kumuona daktari (Consultation) ,badala ya vipimo vya malaria na homa ya matumbo ( typhoid) tu vilivyokuwa vikilipiwa awali.

Katika hatua nyingine meneja wa benki ya CRDB  tawi  la Kiteto bibi Lucia John amewahamasisha wanawake kuchukua mikopo na kuanzisha viwanda vidogo vidogo ili waweze kuinua uchumi wao,ambapo amewataka  wanawake walio tayari , kufika katika benki ya CRDB tawi la Kiteto lililopo katika mji mdogo wa Kibaya ili kupata mikopo. Sambamba na hayo bibi John amesema kwamba yeye kwa kuwa ni mwanamke atawapa kipaumbele, kwani anataka wanawake wenzake waweze kujikwamua kiuchumi na kuungana na wanaume katika kuimarisha uchumi wa viwanda.

Siku ya wanawake duniani huadhimishwa Machi 8, kila mwaka,ambapo kwa mwaka 2018 maadhamisho ya siku hiyo yamebeba kauli mbiu isemayo ‘‘Kuelekea uchumi wa viwanda, tuimarishe usawa wa kijinsia na uwezeshaji wanawake vijijini’.

....... MWISHO.......