DED Kiteto Aongoza Zoezi la Usafi wa Mazingira

Imetumwa : December 9th, 2018

Mkurugenzi Mtendaji wa halmashauri ya wilaya  ya Kiteto (aliyeshika mfagio kushoto) Ndg. Tamim H. Kambona akijumuika na watumishi wengine katika kufanya usafi wa mazingira katika Hospitali ya Wilaya - Kiteto, Mjini Kibaya leo siku ya Uhuru 09.12.2018. Kulia kwake ni Mganga Mkuu (W), Hospitali ya Wilaya Dkt. Paschal Mbota.

Mkurugenzi Mtendaji  wa Wilaya - Kiteto (aliyeshika  mfagio kushoto) 

Watumishi wa Taasisi mbalimbali wakifanya usafi eneo la Hospitali ya Wilaya ya Kiteto, Mjini Kibaya

............HABARI KAMILI.............

Mkurugenzi Mtendaji wa Halmashauri ya wilaya ya Kiteto ndugu Tamim H. Kambona ameongoza  watumishi kutoka taasisi mbalimbali za serikali kama vile Halmashauri, Magereza, Polisi , Mahakama na Takukuru kwenye zoezi la kufanya usafi wa mazingira katika hospitali ya wilaya .Usafi huu umefanyika kuanzia saa 12:00 asubuhi hadi saa 03:00 asubuhi. 

Zoezi hilo la kufanya usafi ni  utekelezaji kwa vitendo wa maagizo ya Mh. Rais wa Jamhuri ya Muungano wa Tanzania, Dkt. J.P.J. Magufuli kwamba katika kuazimisha siku hii muhimu kwa wanachi na Taifa letu, tufanywe usafi wa mazingira katika maeneo yote ya kutolea huduma za afya kote nchini.

Aidha katika utaratibu wa kawaida  , zoezi la usafi wa Mazingira hufanyika kila Jumamosi ya mwisho wa mwezi,ambapo wakazi wote wa wilaya hii ,walio watumishi na wasio watumishi hufanya usafi katika maeneo yao ya kazi,biashara na makazi .Na kwa mwezi Disemba zoezi hilo litafanyika tarehe  29.12.2018 kama tanzazo linavyoonyesha sehemu ya matangazo ya tovuti hii na katika mbao za matangazo ofisi za Serikali, Kata na Vijiji.

Baada ya zoezi la usafi ,watumishi walielekea katika uwanja mkuu wa michezo  kwa ajili ya kushiriki kwenye Bonaza la watumishi,lililoandaliwa na ofisi ya Mkurugenzi  wa halmashauri chini ya usimamizi wa  afisa michezo(W) na afisa utamaduni (W).

.................MWISHO....................