Mkuu wa Wilaya ya Kiteto Mh. Eng.Tumaini Magessa akagua zoezi la mafunzo ya uboreshaji daftari la wapiga kura katika ukumbi wa Halmashauri ya Wilaya, Jimbo la Kiteto leo asubuhi.

Imetumwa : July 25th, 2019

Kuanzia kushoto ni Bw. Partrick Mlay ambaye ni Mkaguzi Mkuu wa nje, Bw. Stefano Ndaki - Katibu Tawala Wilaya ya Kiteto, Bw. Tamim Kambona

 Afisa Mwandikishaji Mkuu ngazi ya Jimbo na Mkuu wa Wilaya ya Kiteto Mh. Eng. Tumaini Magessa.

HABARI KWA UFUPI.....

Katika ukaguzi huo Mkuu wa Wilaya Mh. Eng.Tumaini Magessa amesisitiza Afisa Mwandikishaji Ngazi ya Jimbo Bw. Tamim Kambona  ahakikishe uhamasishaji  unakuwa wa kutosha kwa kila eneo lakini pia na wahusika wote wanaoendesha zoezi hili wawe mabalozi wazuri kuanzia sasa hadi kuisha kwa zoezi hili kwa Jimbo letu la Kiteto ili wananchi wajitokeze kwa wingi kwani ndiyo mafanikio  Serikali inayoyataka.

Mkuu wa Wilaya Mh. Eng. Magessa amewaasa wahusiaka kuzingatia mafunzo haya elekezi kwa faida ya nchi yetu, kwani Serikali imetumia rasilimali nyingi kuwekeza katika rasilimali watu na vifaa mbalimbali vinavyotumika katika zoezi hili ili kuhakikisha kila mwananchi mwenye sifa ya kuandikishwa apate haki yake.

Mh. Eng. Magessa aliongozana na Katibu Tawala wa Wilaya ya Kiteto Bw. Stefano Ndaki pamoja na Afisa Mwandikishaji Ngazi ya Jimbo Bw. Tamim Kambona.

------------------------------------------------------------------- NAWASILISHA -----------------------------------------------------------------