MWENGE WA UHURU 2025 WAPOKELEWA WILAYANI KITETO

Imetumwa : July 13th, 2025

Mkuu wa Wilaya ya Kiteto  Mhe. Remidius Mwema Emmanuel  leo Julai 13,2025 ameupokea Mwenge wa Uhuru 2025 kutoka kwa Mkuu wa Wilaya ya Simanjiro, Mhe. Fakii Lulandala katika uwanja wa Sekondari ya Ndedo uliopo kata ya Ndedo.

Ukiwa  wilayani Kiteto, Mwenge wa Uhuru unatarajiwa kukimbizwa umbali wa kilometa 171 na kutembelea miradi yenye thamani ya zaidi bilioni 1.4.

Ukiwa wilayani hapa, Mwenge wa Uhuru unatarajiwa kutembelea miradi saba ambapo miradi mitatu itazinduliwa, mitatu itatembelewa na mradi mmoja utawekewa jiwe la msingi.

Kauli mbiu ya Mbio za Mwenge wa Uhuru 2025 inasema "Jitokeze Kushiriki Uchaguzi Mkuu wa Mwaka 2025 kwa Amani na Utulivu"