Ofisi ya Waziri Mkuu, Sera, Bunge,Kazi, Ajira, Vijana na Walemavu kwa Kushirikiana na Ofisi ya Mkurugenzi Mtendaji Halmashauri ya Wilayani Kiteto Waongeza Fursa za Uwekezaji Mradi wa Kitalu Nyumba kwa Vijana wa Halmashauri ya Wilaya ya Kiteto

Imetumwa : June 5th, 2020

Kutoka Kushoto ni Mkurugenzi Mtendaji wa Halmashauri ya Wilaya ya Kiteto Bw. Tamim H. Kambona na Mkuu wa Idara ya Kilimo, Umwagiliaji na Ushirika wa Halmashauri ya Wilaya Kiteto Bw. Christopher Simwimba

Hatua za Awali za Ujenzi wa Kitalu Nyumba

Hatua za Awali za Utandazaji wa Bomba za Umwagiliaji Ndani ya Kitalu Nyumba Hicho

Kutoka Kulia ni Mkurugenzi Mtendaji wa Halmashauri ya Wilaya ya Kiteto Bw. Tamim H. Kambona Akimsikiliza Kaimu Afisa Maendeleo ya Jamii Halmashauri ya Wilaya ya Kiteto Bw. Rodrick Kidenya Katika Kutoa Maelezo Ya Vijana Wanaoshugulikia Kitalu Nyumba Hiki na Kushoto ni Mkuu wa Idara ya Kilimo, Umwagiliaji na Ushirika wa Halmashauri ya Wilaya Kiteto Bw. Christopher Simwimba

Kutoka Kushoto ni Mkurugenzi Mtendaji wa Halmashauri ya Wilaya ya Kiteto Bw. Tamim H. Kambona  Akikagua Utekelezaji wa Mradi Huo na Mkuu wa Idara ya Kilimo, Umwagiliaji na Ushirika wa Halmashauri ya Wilaya Kiteto Bw. Christopher Simwimba 

Bw. Emmanuel Magubika Akipogolea Nyanya Husika Ili Ziwe na Afya Zaidi 

 Mkuu wa Idara ya Kilimo, Umwagiliaji na Ushirika wa Halmashauri ya Wilaya Kiteto Bw. Christopher Simwimba Akiwa Katika Ukaguzi wa Kitalu Nyumba Hicho 

Afisa Kilimo  na Umwagiliaji Bw. Balabala Pundungu Ambaye ni Mratibu wa Kitalu Nyumba Hicho 

Bw. Ezra Mariki Akinyunyizia Mbolea Katika Miche Hiyo ya Nyanya Kwa Ustadi na Teknolojia ya Kisasa na Kimamboleo 

Muonekano wa Nje wa Kitalu Nyumba Hicho na Miundombinu Mahususi ya Umwagiliaji Maji 

------------------------------------ HABARI KAMILI -----------------------------------

Vijana wapatao zaidi ya 100 toka katika kata 4 za Partimbo, Bwagamoyo, Kibaya na Kaloleni wamenufaika na  mradi wa Kitalu nyumba Wilayani Kiteto Mkoani Manyara baada ya kupata mafunzo elekezi ya siku 6 ya uzalishaji wa mimea aina ya nyanya kwa kutumia teknolojia ya kitalu nyumba mwezi Agosti 2020. Mafunzo hayo yalifadhiliwa na ofisi ya Ofisi ya Waziri Mkuu, Sera, Bunge,Kazi, Ajira, Vijana na Walemavu na kusimamiwa na Ofisi ya Mkurugenzi Mtendaji wa Halmashauri ya Wilaya chini ya wataalamu wake wa Idara ya Kilimo umwagiliaji na Ushirika kwa kushirikiana na idara ya maendeleo ya jamii ambayo ndiyo yenye vikundi hivi vya vijana.

Kimsingi kampuni ya  “Royal Agricultural Company Limited” ya Mkoani Morogoro ndiyo iliyopewa kazi hii na Ofisi ya Waziri Mkuu  kwa kutekeleza hili ileta vifaa, ilitoa mafunzo ya ujenzi wa kitalu nyumba na mafunzo ya kilimo kupitia teknolojia ya kitalu nyumba kwa vijana 100; Wataalamu wa Kilimo na wataalamu wa Idara ya maendeleo ya jamii walikuwa ni miongoni mwa wataalamu waliowezeswa.

Kwa mujibu wa Mratibu wa Kitalu nyumba  Bw.Balabala Pundungu ambaye ni Afisa Kilimo Msaidizi aliyeteuliwa na Mkurugenzi Mtendaji wa Halmashauri ya Wilaya. Aidha, Kitalu nyumba hiki kina ukubwa wa eneo lenye upana wa mita 8 na urefu wa mita 30 zenye ujanzo wa miche 780 aina ya “Kibo Star “ yenye uwezo wa kuzalisha kwa  kila  mche mmoja kilo 10 hadi 11 baada ya kuanza kuvuna mzao ya nyaya .

Wataalamu wengine wa Kilimo ni  Catherine Hagile ambaye yeye ni mbobezi wa kilimo katika masuala ya mbogamboga na matunda (Horticulture) , Kaimu Afisa Maendeleo ya Jamii Wilaya ya Kiteto Bw. Rodrick Kidenya ambaye husimamia kazi za Afisa Vijana Wilaya kwa kufuatilia mahudhurio ya vijana hawa na mhimili wa shuguli hii ni  Bw. Christopher M. Simwimba ambaye ni  Mkuu wa Idara ya Kilimo, Umwagiliaji na Ushirika wa Halmashauri ya Wilaya ya Kiteto kwa ujumla wao hawa ndiyo husimamia shughuli zote za mradi huu  wa Kitalu nyumba.

Hata hivyo hii ni fursa pekee kwa vijana wa Halmashauri ya Wilaya ya  kiteto kutumia ujuzi huu ili kujiongeza kivingine namna ya kupata mtaji ili kuzalisha kibiashara kwa mtu moja mmoja, familia au kivikundi. Pia ni ajira kwa kuwa na elimu ya uzalishaji mazao haya kupitia teknolojia ya kitalu nyumba hivyo wamepanua wigo wa kufanya kazi ndani ya  Halmashauri ya Wilaya ya  kiteto na nje  pia  kwa ajili ya kujiletea maendeleo binafsi na taifa kwa ujumla.

Mwisho, tunaishukuru Serikali ya Awamu ya Tano kupitia Ofisi ya Waziri Mkuu, Sera, Bunge,Kazi, Ajira, Vijana na Walemavu, kwa kuleta mradi huu mkubwa katika Halmashauri ya Wilaya ya Kiteto kwani umefungua fursa lukuki kwa vijana, na sisi kama Halmashauri ya Wilaya tutahakikisha tunausimamia ipasavyo kadri iwezekanavyo ili matunda ya teknolojia hii yaendelee kwa vijana wengine wa wilaya hii.