RC Mnyeti Aagiza Kukamatwa kwa Wazazi wa Wanafunzi Watoro

Imetumwa : January 17th, 2018

Mkuu wa Mkoa wa Manyara Mhe. Alexander Mnyeti Akihoji  Kuhusu Utoro wa Wanafunzi Katika  Shule  ya Sekondari Kijungu Wilayani Kiteto Alipotembelea Shuleni hapo .

Wanafunzi wa Shule ya Sekondari Kijungu Wakimsikiliza Mkuu wa Mkoa wa Manyara Mhe.Alexander Mnyeti Alipotembelea Katika Shule Hiyo.

.......HABARI KAMILI ......

RC MNYETI   ATOA AAGIZA KUKAMATWA KWA WAZAZI WA WANAFUNZI WATORO

Mkuu wa mkoa wa Manyara mheshimiwa Alexander Mnyeti   ameagiza kukamatwa kwa wazazi wa wanafunzi watoro. Mheshimiwa Mnyeti ametoa agizo hilo  baada ya kutembelea shule ya sekondari Kijungu iliyopo katika kata ya Kijungu wilayani  Kiteto na kuona mahudhurio mabaya  ya wanafunzi katika shule hiyo .

Akiwa shuleni hapo Mhe Mnyeti  aliagiza kuonana na wanafunzi , na baada ya wanafunzi kujipanga ,Mhe. Mnyeti alitaka kufahamu idadi kamili ya wanafunzi  katika shule hiyo kwa kila kidato ,kuanzia kidato cha kwanza hadi cha nne ,ambapo alielezwa idadi yao, idadi hiyo ilimsababisha Mhe. Mnyeti kutaka kufahamu pia na idadi ya wanafunzi walikuwepo shuleni kwa wakati huo, alipewa idadi yao, idadi ambayo ilimsukuma kutoa agizo kwa mkuu wa wilaya ya Kiteto Mhe.Tumaini Magessa , Mhe. Mnyeti anasema “ Hali ya mahudhurio katika shule hii ni mbaya sana .Walimu wapo shule,lakini wanafunzi hawapo.DC waite viongozi wa kijiji hiki mpange jinsi mtakavyoshughulikia utoro wa wanafunzi” .

Sambamba na kumuagiza Mhe. Tumaini Magessa kushughulikia tatizo hilo ,Mhe. Mnyeti pia  amemuagiza Mkuu wa polisi wilaya ya Kiteto SP Fadhili Luoga kutoa  askari polisi 4 ili washirikiane na mtendaji wa kijiji cha Kijungu katika kukamata wazaziwa wafunzi hao.Vilevile amemuagiza  mkuu wa shule hiyo kuandaa orodha ya wanafunzi watoro na kuikabidhi kwa mtendaji wa kijiji kwa ajili ya utekelezaji wa agizo hilo.

                                                                                                        ......... MWISHO..........