Tumieni Wahandisi wa Ndani – RC Mnyeti

Imetumwa : January 18th, 2018

                                          Mkuu wa Mkoa wa Manyara  akisikiliza maelezo kuhusu ujenzi wa jengo Jipya la Halmashauri ya Kiteto 

waliosimama pembeni yake ni Mkuu wa wilaya ya Kiteto Mhe. Tumaini Magessa (kushoto) na Mkurugenzi Mtendaji wa Halmashauri ya Wilaya ya Kiteto ndugu Tamim Kambona ( kulia)                                        

  Mkuu wa Mkoa wa Manyara  pamoja na ujumbe alioambatana nao wakikagua   jengo Jipya la Halmashauri ya Wilaya ya  Kiteto  ambalo ujenzi wake unaendelea

Tumieni Wahandisi wa Ndani – RC Mnyeti

Mkuu wa mkoa wa Manyara Mhe. Alexander Mnyeti  ameiagiza  halmashauri ya wilaya ya Kiteto  kutumia wahandisi ujenzi walioajiriwa na halmashauri hiyo katika kujenga majengo yake ili kupunguza gharama  za ujenzi.Mheshimiwa Mnyeti ameyasema hayo alipokuwa akikagua  jengo jipya  la halmashauri ya wilaya ya Kiteto  lililopo katika kata ya Bwagamoyo ambalo ujenzi wake unaendelea.

Akisisitiza kuhusu kutumiwa kwa wahandisi hao mheshimiwa Mnyeti anasema ‘‘mkurugenzi wakati mwingine mnapokuwa na miradi ya ujenzi kama hivi ,tumia wahandisi wako.Serikali imesomesha wataalamu wake,wataalamu hao  wanatakiwa watumiwe katika miradi  kama huu ili  utaalamu walioupata darasani wautumie kwa faida na maendeleo ya serikali yao’’.

Aidha mheshimiwa Mnyeti amesema kwamba  mradi huo  gharama yake ni   shilingi  bilioni  4, na hapohapo mkandarasi hana mtaji anategemea pesa hiyo hiyo anayolipwa ndio afanyie kazi,wakati ingetumika force akaunti ,wahandisi wa ndani na mafundi wa kawaida  gharama zisingefika hapo, na yawezekana mradi huo ungekwisha kukamilika.Mheshimiwa Mnyeti ametoa mfano wa ujenzi wa majengo ya ofisi  yaliyojengwa makao makuu ya mkoa wa Manyara ( Babati) ambayo kwa kutumia force akaunti , wahandisi wa ndani na mafundi wa kawaida yamegharimu kiasi cha shilingi za kitanzania milioni 900 hadi kukamilika.

Force akaunti ni njia ya  malipo inayotumika  katika majiji, manispaa na halmashauri kwa kazi za ziada  katika kazi za ujenzi kama mkandarasi na mhandisi hawako tayari kujadiliana  kuhusu bei  kwa kazi nyingine mpya zitakazoongezeka. Lengo la kutumia force akauti  ni ili mkandarasi afanye kazi za ziada kwa gharama ile ile.